Era UPC en aranés

Presentacion

Era Universitat Politècnica de Catalunya · BarcelonaTech (UPC) ei ua institucion publica de recèrca e d'educacion superiora enes encastres dera engenharia, era arquitectura, es sciéncies e era tecnologia, e ei ua des universitats politecniques líders d'Euròpa. Titole cada an mès de 6.000 estudiants de grad e de mastèr, e mès de 500 doctores e doctors. Ei ua des universitats damb naut indèx d'insercion laborau des sòns titoladi: un 93 % trabalhe e un 76 % tròbe trabalh en mens de 3 mesi. Era UPC ei plan plaçada enes principaus classaments internacionaus.

Els valors

Responsabilitat sociau
Càmbia eth mon damb era UPC: es politiques e es actuacions mès considerables.

Igualtat d'oportunitats
Era UPC promò era igualtat laguens era comunitat universitària e tanben ena societat ara quau servís.

Sostenibilitat
Plans, servicis e recorsi entà arténher qu'era Universitat sigue ua institucion sostenibla.

Cooperacion e solidaritat
Era UPC s'implique, a trauès des sòns membres, en projèctes de cooperacion e volontariat.

Tecnoumanisme
Dotar d'escala umana ara tecnologia ei un des rèptes dera UPC.

Campus UPC. Implantacion en territòri

Era UPC ei ua universitat damb ua vasta implantacion en territòri, damb 9 campus distribuïdi en 7 ciutats de Catalonha:

• Barcelona
• Castelldefels
• Manresa
• Sant Adrià de Besòs
• Sant Cugat del Vallès
• Terrassa
• Vilanova i la Geltrú

Es campus son accessibles, son plan comunicadi damb transpòrt public e son dotadi damb es equipaments e es servicis de besonh entà contribuïr ara formacion, ara recèrca e ara vida universitària.